كم وجه ماجد يشبه الوجه القديم لصاحبي

كم هي يدينه تشبه اقواس النبال اقواسها

لاشفت ياماجد هوى غصن الزمان وطاح بي

والنار في جرحي تصب اخر نشيد اعراسها

اكتب عزاي اني تعقبت السواد .. وراح بي

دربٍ طويل من العطش بين الشفاه وكاسها

اكتب عزاي اني بصِل .. لو دربي اكملها حبي

وادخل من ابواب المدن ريح ٍ تدق اجراسها

برق ايتعرج في كهوف المعدن الرمل الغبي

فوق المرايا .. ف القرايا .. في الوجوه وناسها

واصيح في عمق الثرى ي ( ابن الرمال الطحلبي )

يابن ( ال.. ) اللي لوى اعناق النخيل وداسها

والله ودمعة ماجد البيضا مثل دمعة ( نبي )

صرنا خيول من الورق مضمارها قرطاسها

يادمعته ( عنا ) خذي من تين صدري واكتبي

هذي رسوم اجيال واللعنة على كراسها