هي مشكلة لاشك والحكم جاير

خصوص كان الشعر فالدم فطره

متخالطه لوراق والوقت ساير

والشعر يجري بين لكفوف نهره

وإلنا الشعر موروث كابر لكابر

واحكام حلوه وبعض لحكام مره

احس به واسمع ولي عزم قاهر

كلام ماحرك من الراس شعره

طنين عند الاذن يحسين عابر

كنه ذبابٍ طن من زود حره

بعض الجمل نرسم عليها دواير

للي تخطا والمحطات خطره

مترا رجال الشعر فيهم مخابر

والفكر له فكره وللعين نظره

قبل المناصب فالشعر لي منابر

لي حضرت استحضار في كل حضره