من ثلاث سنين وأكثر والقدر يحداني

عنك يا طِبّ الخفوق المشتهر بأوجاعه

وأنت عنّي حدّك اللى حدّني وأقصاني

أمر من ربّك ولا للرب غير الطاعه

والبلا إنك كل ليل تشوف كل أخواني

إلا أنا ما كان لي حظ طويل باعه

وإن لقيتك ما عرفتتك وأنت لو تلقاني

ما انت عارفني ولو نجمي تشوف إشعاعه

لين صحّاك القصيد اللى بعد صحّاني

وجيتني مثل الشمال وهفهفة ذعذاعه

عاد تدري ؟ جد والله؟ أنت عالم ثاني

م حتويه الطيب الأول في جميع انواعه

مرحبا مليون والله يا بعد حِيّاني

أنت وينك؟ لعن أبو حي الهوى وأتباعه

سوّد الله وجه تاريخ الزمان الفاني

قد حرمني من لقاك ولذّته وإمتاعه

علّها خيرة ودفعة شر يا وجداني

ع نّي وعنّك وعن روح الغلا الملتاعه

حوّل بقاع الخفوق الموحش الوحداني

وأسقه دموع السحاب وعيد لي مرباعه

عّل تفداك الرخوم وعّلها تفداني

وقّف الساعة هنا يا جعلها أبرك ساعه

لين أفكّ حروف صوتك وأتركه يقراني

وأقنعه منشان يكتبني وأزيد إقناعه

ياجلالة صولجان الوالي العثماني

كان ما لك كل قلبي ؟ لك ثلاث أرباعه

ياروا قلبي بطلّة وجهك الربّاني

ويا ظما عيني لغمزة عينك اللمّاعه

بك شفافية لحن بيتهوفن الألماني

وبك قساوة باتعِِ وسلالته بتّاعه

علّ يفداك القصيد اللى يقول لساني

وإن بغيت تجدده حط الجمر بأصباعه

وفل مجدولك وغنّ ويرتقص شيطاني

وإن رقص جاته شياطين الشعر منصاعه

وجدّد الفنجال وإفتح لي بكت دخاني

ومدّها لي في شفاك وعطني الولاعه

وخلّني ساعة زمن كان الولي أحياني

وأنت لا حسيّت بالضيقة قبل هالساعه ؟

ماعليك إلا تجيب الهاتف المجّاني

ولمّس إصبعك الردايل وأرفع السماعه