أسمعك يا اللي تناديني .. يا أبو قلبٍ خلي

بس أنا ماني خلّي القلب لجل اسكت واجيك

الخلي ما هوب قلبٍ من هيامك ممتلى

الخلي قلب آدميٍ شافك ولا هام فيك

إنت زعلان لجفاي .. وما دريت أن زعلي

يوم قلبك ما يبيني .. قد ما قلبي يبيك

حتى لو عيت همومك في غيابي تنجلي

كل هذا ما يساوي لهفتي يوم احتريك

وكان ما صدقت هرجي .. طيب اسمع ما يلي

يا حبيبي يا عسى ربي يحفظك ويهديك

جايز انك في غيابي .. تقلب الدنيا علي

بس أنا من قبل أعرفك .. قالب الدنيا عليك