إلى منه جفاك اللي تودّه

ولا تدري وش الّلي عنك صدّه

تجرّع مالح العبرات واصبر

ترى كثر الشكاوى ما تردّه

وإلى من الّليالي عوّدت بـه

تغانم كل فايت واستردّه

حذار تنشغل بعتاب خلّك

ترى كثر العتب يمحي المودّه

ليالي العمر لحظاتِ قصيرة

ومـا ودّعت منها لا تعدّه

تنهَض مثل صقرِ مد شوفه

غداة الصبح روحه مستهدّه

وإذا حوّل على جول الحباري

تولَّى خربها وإن طار ردّه

ترى الرجَال يثبت للشّدايد

إذا ما هدّها وإلاّ تهدّه

.....

.....