هذا القلم وش كتب هذا الندم وش محى

في ايدي رعشه ولاظني على شي قاوي

حبيبتي قربي هاتي يدينك صحى

في داخلي طفل مري به حمام وغناوي

الحب حنطه هقيت ان المفارق رحى

فارقت زاد الغلا رديت ولا بلاوي

أثر الهوى لاتمكن منك اخيذة ضحى

اثر الغلا الصدق صدق ان ضج ماعاد ياوي

ونا اخر اللي يدور صادقين نصحا

في الحب ياشينها تنوي تقل مانت ناوي

لاهي صعيبه ولاني لاقي اللي وحى

ولاهي قريبه ولاهي اللي تجي بالهقاوي

ولاهي بحب الخشوم ولابدقم اللحى

ولالقينا لها عند المطوع فتاوي

ماعاد ينفع خجل فيها ولامستحى

برد يفطر خشوم البل وعاشق خلاوي