تمرك كن عاتقها غريمك وتخضع لك عين

واعز رموشها لاعاودت ترعاك وتذله

تبيك تحس فيها لارنت لك ياوعل يبرين

ولكنك خلي والربع الخالي وانت خال له

جفول لاهدت يسلى بها الديان راع الدين

واذا مالت يميل لها البعيد ويعتدل ظله

تخاف من ختول وقبسة البارود والسكين

وتسلم من عطيب الرمي والرماي فاطن له

تباري راعي البندق وتحت ضلوعها قلبين

تحت صدرين ضلع من فرار وضلع من ذله

يلاعبها الحبل وتلاعبه بالحبل والحبلين

محبتها((مراجيح الطفل))وفوادها:دله

يراودها السدر عن فيته ويشمها النسرين

لو ان العرق ماينبت رياحينه ولا فله

وكن الطلح في قرونك تخشب والشجر قرنين

وليتك ياوعل قرن الهزيل تعف وتزله