لادمعة في العين تكفي ولا آه

لا من نوى لك صاحبك بالقطيعه

الله على بعض المحبين ما اشقاه

يرجي زهر روضٍ تولى ربيعه

ولا من خذا له ساعة قال ابساه

بانسى هوى اللي باعني قبل ابيعه

وده يعسر القلب عن غي مشهاه

هيهات ياقلب الخطا لو تطيعه

الله يجازي الحب مااكبر خطاياه

شره على اصحاب النفوس الرفيعه

اهل الوفا واهل الشيم من سواياه

ضاقت بهم دنيا فججها وسيعه

والا الخبيث بمنسم الرجل ناطاه

يوم الغدر والخبث عنده طبيعه

يالله عسى لي خيرة عقب فرقاه

لوكان فرقا الخل مثل الفجيعه