يمر القلب من دار وراء الخفجي طريق ودرب

وامرك يالطريق اللي لك اقدامي مصخرها

واذا مريت مع ذاك الطريق اللي يجي من غرب

ذكرت أحلى ليالينا من اولها لآخرها

ومريت الحشى بالونه اللي ماجذبها طرب

ومريت العيون بعبرتن للدرب ذاخرها

وشفتك في خيالي بين طيات الدفى والقرب

وناديتك فديتك خل ايدينك لا توخرها

عفى الله من ضمانٍ حصل الماء في الطريق وشرب

وعفى الله عن ليالي ماجهلنا في اواخرها

عقلنا وألتطم حب المواجه يالعفيف الذرب

كما موج لطم في غبة واغرق بواخرها

وسقت الرجل صوبك ياحبيبي والليالي جرب

ولا اهتميت في ناس تبي ترفع مناخرها

حبيبك ياحبيبي من سلالة اهل دروع وحرب

ولايعشق من اصناف الجواهر كود فاخرها

تفاخر يابعد من حطله بين الحنايا درب

تفاخر وأفتخر واغلى القصايد فيك اصخرها

واذا مريت مع ذاك الطريق اللي يجي من غرب

تذكرت احلى ليالينا من اولها لآخرها