ياكويت الخير ياطلة الصبح السعيد
افرحي يادار في ضل قايدنا صباح
الله اكبر دام عزك على الدنيا يزيد
دام عزك ياوطن دام عزكم يالصباح
***
افرحي ياكويتنا  والشعب ضيّه
البسي ثوب الفرح ياغلا هديّه
عيدي والراس مرفوع بجنابك
دام عزك ياوطن والنار حيّه
كل عام  وشعبنا يفرح بداره
حي عيد كويتنا صبح ومسيّه
موطني ياموطني  والعز فيها
والله انه نعشقك عشق البريّه
راية المجد  المبنى في علمنا
ايه اوقف للعلم واضرب تحيّه
خمسه وعشرين فبراير غناوي
عيدكم ياهل الوطن  فرد وسريّه
سته وعشرين فبراير نختنا
يوم غدر الجار يطعن في خويّه
اص والله  لابدت حمر العزاوي
جيشنا  مايحسب حساب المنيّه
يوم صكات  الوقا  محدٍ دعانا
ياكويت ارواحنا لجلك عطيّه
تحت راية سيدي صباح الاحمد
الشجاع  اللي مواقيفه زهيّه
حي والله طاري المجد وسمّوه
والله انه نمدحك صبح وعشيّه
يوم ازمات الخليج  الكل شايف
له مواقيفٍ مع الازمه قويّه
همه الشعب الخليجي وعز شعبه
ياصباح المجد حلال القضيّه
ماتوفي  سيدي كثر القصايد
ايه شعبك بالكرم حاز السريّه
يوم صكات الوقا محدٍ دعانا
 لاداعانا الموت نقدم للمنيّه
افرحي ياكويتنا يا غلا الاسامي
البسي ثوب الفرح ياغلا هديّه